#湯加文 05
2013年12月，第一次參與大電影拍攝 <<#分手100次>> ，由旦哥執導。
做電影演員能夠訓練耐性， 因為化妝，整頭，打燈，set 機等等搞惦好演員先埋位。 等嘅時間通常好漫長，原本緊張到死到後來竟然唔小心瞓著咗。
“BB!十分鐘後埋位！”
我即刻睜大對眼， 但係仲未回魂。拍攝地點喺樓下，我就瞓左起樓上嘅演員休息區， 為左提下神，我圍住休息區跑咗兩個圈 。呢個時候，C ALL STAR 到場，比佢地笑左我五秒之後我就衝左去現場埋位😆
第一場對手戲，大家認真得嚟又好easygoing， 特別係導演旦哥， 伊健 同娜姐。整個氣氛令我好放鬆，也順利完成工作 。
我角色名叫做 BB, 係片場， 工作人員都係咁叫： BB呢？ BB ready 未？ 叫BB 埋位! 其實， 我先至係BB 始祖 。
到電影上映， 係大銀幕見到自己， 心情好複雜，興奮得嚟又似睇緊鬼片， 害怕見到自己，更害怕見不到自己。
最感恩嘅都係能夠得到親戚朋友嘅支持 ，當佢地知道我嘅電影夢，第一個反應係：50 蚊張飛睇妳一分鐘表演， 抵到爛啦！我知道係講笑，但真係好感動。
就係咁，我的演藝事業慢慢開始了。
有時，我想，如果當初那對新人沒有在酒店擺酒，我沒有上班，無同伯伯講我讀電影，寫完紙仔搵唔番伯伯，又或者聽唔到個電話，我依家會係邊到呢？
感謝戲劇式的情節，把我帶來到人生這一步。 我愛電影。
（續）
Search